Tum ho......

Ek khwab dekha tha maine, zindgi meri tum ho,

jab jagi to maloom hua k mere jeene ki saja tum ho.....

Is ummeed bhare dil ko bahut rulaya hai tumne,

vo saaz the tum jisne mere nagmon ko rulaya hai,

tum hi jara socho kya iske siva tum ho......

Tum pyaasi nigahon ki kya pyaas bujhaoge,

Vo lamha hi alag hoga jab saamne aaoge,

in bejaan baharon ki fiza tum ho.....

Jis haal me hum hain, ab hume us haal me rehne do,

sirf ashkon ki bhasha se, ye bayan mujhe karne do,

jo rooh ko jhulsa de vo garm hawa tum ho......
Ye dil kitna bada paagal tha jo tumhe chahta raha,
ise maloom na tha ke, jo poori zindagi ko barbaad karde vo ek lamha tum ho.....

Aisa Lagta Hai..............

Jane aisi kitni Baatein hain jo adhuri si lagti hain,

jane aisi kitni raatein hain jo kahin khoi si lagti hain.....

Kahin koi to hai shayad maayus sa,

jane aisi kitni tamannayein adhuri si lagti hain......

Is uljhi hui bejaan si zindagi me, kitni door nikal aai hu chalte- chalte,

jaane aisi kitni raahein khamosh si lagti hain......

Kahin to shayad zindagi ki jaruraton ko poora karne me khud ko kho chuki hoon,

jane aisi kitni hasratein ankahi si lagti hain....

Anjaane raston pe chalte - chalte koi to hojo saath chale , umr bhar humraah bankar,

aisi kitni talaashein nakaam si lagti hain.....

Vo Shqkhs......

Door hote- hote sari awaaz kahin gum ho gai,

sochne ke liye bus sirf yaadein reh gai....

Jo shqkhs kabhi rehta tha hamesha dil ke paas,

aaj sirf uski yaad paas reh gai....

Kisko apna dard - ae - dil bayaan karien,

ab to dil me sirf  uski sada reh gai....

aaj itni majboor hun ki use laut ke bula bhi na sakun,

ab to sirf uski aas baki reh gai....

Tujh se......

Kyun tujhe naa jane bhi, tujh pe aitbaar karti hu,

kyun tujhe bin pehchane tujhse ek anjaani dor se bandhi rehti hu......

jo kabhi kisi par bhi naa kar paai main,

phir kyun tujh par itna bharosa rakhti hu.....

Har pal, har lamha bina soche tujhe nhi reh paati,

kyun dil se har waqt dua me tujhe mangti hu......

Jo tune mujhse kabhi kaha nhi,

Kyun vo ankahe labz tujhse sunna chahti hu.....

kyun anjaani si umeed laga rakhi hai tujhse,

tu poori karega use, kyun aisi ummeed rakhti hu.....

tu koi nhi hai mera, mujhe maloom hai,

phir bhi kyun tujhe apna sa manne lagi hu....

Darti hu tujhse kehne se vo baat, jo kabhi keh nhi paai,

phir bhi kyun kahin na kahin main bhi hoon tere man me, bharosa sa rakhti hu.....