Ab tak baki hai........

Aaj phir hokar majboor tere paas chali aai hu,

shayad koi ummeed, ab tak baki hai.....

apni sanson me teri mehak mehsoos karti hu,

shayad tere hone ka ehsaas, ab tak baaki hai....

Har waqt , har jagah teri kami poori karne ki koshish karti hu,

shayad tere jaane ka dard , ab tak baki hai.....

Saanjh hote hi jab sab apne ghar laut-te hain,main raah me ruk jati hu,

shayad tere vapas aane ka intzaar, ab tak baki hai.....

Yaad aya.........

bahut dino ke baad aaj dil dhadka,

vo teri yaad thi, ab yaad aya......

 aaj mera sambhalna bahut mushkil tha,

aaj tu kis musibat me mujhe, yaad aya.....

hum bhi mehfil me baithkar apna hal-e-dil sunate lekin,

jab vo mehfil se rukhsat hue, tab yaad aya......

din bahut mushkil se guzra aaj mera,

phir vahi tera kiya hua vada, yaad aya....

baithkar sochti rahi pehron pehar tujhko.

hum chup chupkar roye tu jab yaad aya......

Kahin vo tum to nhi..........

Koi to hai meri yaadon me, palkon me aansu liye,

kisi ki bheeni khushboo ab bhi meri sanson me baki hai, kahin vo tum to nhi......

Kisko talashti hain meri nigahein, sathi lagta hai janmon se jo,

raahon me vo shakhs gum hai, kahin vo tum to nhi.......

Koi bheega sa nagma, koi gazal hai vo,

jise har waqt gungunati hu main, kahin vo tum to nhi....

Hoton se hole se koi nai sargam banne lagi hai,

gane lagi hain ab vo chahtein meri, kahin vo tum to nhi......

Raaton me, badlon me jiski tasveer banati hu andekhi,

jise har waqt dekhne ki chahat rehti hai, kahin vo tum to nhi......

Jiske sath har pal bitane ko jee chahta hai,

jisse kai ankahee batein karne ko jee chahta hai, kahin vo tum to nhi....

Jiski bahon me khokar sukoon mile mujhe,

jiski sanson me khona chahti hun , kahin vo tum to nhi.....

Jiske paas har waqt rehne ki tamanna rehti hai,

jiske liye hoton pe naa aur dil main haan haan rehti hai, kahin vo tum hi to nhi.....

Hasrat.........

Main soch rahi thi badlon ki udaano tak,

ye dil hai ki ja pahuncha kis- kis ke thikano tak......

Tute hue khwabon ki ek lambi kahaani hai,

sheese ki haveli se patthar ke makano tak.....

Dil ek aisi adalat hai jo ruh ko parakhti hai,

mehdood nhi rakhti vo sirf bayano tak.......

Jab koi nhi aata kyun aas bichate ho,

is dil ke dariche se aankhon ke machano tak.....

Dil aam nhi karta ehsaas ki khushboo ko,

bekar hi laye hum chahat ko jubaanon tak.....

Har waqt fizaaon me mehsoos karoge tum,

main khusboo hun rooh ki, mehkungi jamano tak......

Khwaab...

Kahin mera bhi ghar hota,

koi khwabon ka humsafar hota....

taankti chand me bhi panno par,

paas mere agar baaton ka hunar hota....

baat krte agar salike se,

apni baaton ka bhi asar hota.....

swarg hoti agar yahi dunia,

toh kiske kadmon me kiska sir hota....

mujhko chu kar pighal jata, kabhi

kaash wo mom ka jigar hota...

ek din toh wo mujhse jarur rukhsad hoga,

wo chahe mujhse jitni muhabbat karta....

kaise pa skta tha muje koi bhediya,

wo jo gar meri hifajat karta.....

usse na rehti muje koi khwaaish,

bas wo mere pyar ki izzat karta......

Kitna Ajeeb Lagta hai...............

Kitna ajeeb lagta hai,

kisi ki kahmoshi me ,

khud ke sawalon ka jawaab dhundhna..............

                                         Kitna ajeeb lagta hai,

                                         apne sukoon ke liye ,

                                         Kisi ka rahon me intzaar karna...................

Kitna ajeeb lagta hai,

kisi ko khushi dene ke liye,

khud ko dard dena.................

                                         Kitna ajeeb lagta hai,

                                         kisi aur ko sochte hue,

                                         poori raat chand ko dekhna.....................

Kitna ajeeb lagta hai,

akele me khud se baat karte hue,

khud ko aaine me dekhna.........................

                                        Kitna ajeeb lagta hai,

                                        kisi aur ke dhoke pe,

                                        Khud ko saza dena............................

kitna ajeeb lagta hai ,
kisi ko apna banane ki chah me,
khud ko sabse door kar lena................

                                       Kitna ajeeb lagta hai,
                                       apne dil me kisi gair k liye,
                                       jagah banana..................